الإكراميه الوجه الحَسن للرشوه

الإكراميه..الوجه الحَسن للرشوه

ظاهرة الأكراميات أقصد " الرشوة " منتشرة وبشكل مفزع في مجتمعنا المصري ، فلا يكاد أي مجال مهما كان إلآ ومتغلغل فية الفساد ومستوطن ولا نعلم إلي متي سيزول ذلك البلاء، الذي يتم توارثة جيل بعد جيل.

الإكراميه الوجه الحسن للرشوه أمر يجب أن ينتهي

دلوقتي فيه مشكله، المشكله مش مشكلتي انا، المشكله دي تُخصنا تخص مصر بلدنا كلنا، المشكله قبلتني واكيد قبلتك، وجهتني واكيد وجهتك، وكان قبلنا وجهت عمك وعمتك.

وانت عشان انت مصري، عشان مصريتك، بترضي لاجل ما تكمل سكتك، لاجل الحاجه ما تتقضي غصب عنك بتغير زمتك.

المشكله بقت مشكله نفوس، نفوس وياها سلطه، نفوس عايزه فلوس، وعشان توصلها عايزلك وسطه، والواسطه عايزه اسطي يظبطلك الزبطه ويعملك الخطه، ولازم يا حرام تستحمل غدا وعشا، يعني حبه وز وفراخ وحمام وكده كام بطه، وهدايا وحجات كده تتحط في الشنطه، وأوراق تتفرك اونطه في اونطه.

ارحمونا بقي يالي فوق وخلوا عندكوا حبه زوق، راح فين ضميرك يا مصري متقولشي انا عايز ابني قصري، قول دم اجدادي جوايا بيسري، خلي إنتمائك فوق اهتمامك خلي ضميرك دايما قدامك، واخدم بدون مقابل دا انت بتخدم اهلك وناسك وجيرانك.

وافتخر وقول انا مصري وبشرب من ميه النيل، وعمري ما هبني قصري علي حساب خراب جيل.

وعمري عن الحق ما هميل، ساعتها بس مهتكونشي فيه مشاكل، وهتتغير كل المسائل ومش هيكون في بلدنا شحات او سائل، وهتكون انت الأساس وقدوه حسنه لكل الناس فوق بقي يا مصري عايزين بلدنا بلد متقدم وعصري.